Helduak euskalduntzen eta alfabetatzen diharduten euskaltegien jarduna hobetzeko asmoz, didaktika-alorreko zerbitzua eskaintzen du, oinarrizko kurrikuluaren diseinua eta garapena, ikasmaterialen sorkuntza, irakasleen etengabeko prestakuntza, euskaltegietan aholkularitza eta jarraipen didaktikoa sustatu eta koordinatuz.
Eginkizun horiek ondorengo atalen bitartez betetzen ditu:

Helduen alfabetatze/euskalduntzea sustatzeko eta hobetzeko, oinarrizko kurrikulua diseinatzea eta euskaltegietan berori garatzeko baliabideak eskaintzea du zeregin nagusi, horretarako euskaltegiaren kurrikulu-proiektua burutzeko formazio-plana diseinatu eta eskainiz. Halaber, plan eta egitasmoen bidez, euskaltegiei beren antolaketa eta kudeaketa hobetzen laguntzen zaie.

Euskaltegiei material didaktikoaren arloko zerbitzua ematen die, kurrikuluaren aplikaziorako eta xede-talde berezietarako langai egokiak sortzen ditu, euskaltegietan materialgintza-proiektuak eta unitate didaktikoen elkar trukea sustatuz eta feedbacka emanez. Bestalde, materialgintza bultzatzeko xedez, benetako materialen bankua osatzen du, mass-medietatik hartutako dokumentuak sailkatuz. Euskara ikasten ari direnentzat HABE aldizkaria argitaratzen du.

Euskaltegietako irakasleen prestakuntza eta euskaltegien formazio-proiektuak sustatu eta ahalbidetzea du zeregin nagusi. Eta, horretarako, hiru eratako formazio-zerbitzuak ditu Prestakuntza Atalak gaur egun, izatez desberdinak, baina elkarren osagarri direnak: formaziorako ekintza akademikoak, aholkularitza eta adituen kontrataziorako laguntza eta prestakuntzarako argitalpenak. HIZPIDE aldizkariak didaktika-alorreko gaiak jorratzen ditu. ITZULPEN SAILA deituriko atalak, berriz, hainbat didaktika-liburu interesgarriren euskarazko itzulpena eskaintzen die irakasleei.

Hainbat eginkizun ditu atal honek: helduen euskalduntze- eta alfabetatze-mailak ebaluatzeko tresna egokiak osatzeko lana bultzatzea eta koordinatzea, eta HABEk ezarritako azterketak edota beste erakunde batzuek eskatutakoak antolatzea eta kudeatzea. Era berean, ikaslearen ebaluazio jarraitua eta banakakoa bultzatzen ahaleginduko da eta euskaltegien emaitzen ebaluazioa sustatuko du.

Euskararen ikaskuntza, hobekuntza eta erabilera bultzatzeko, euskaltegietan agizkoak ez diren egitasmoak diseinatzea edo bultzatzea du xede, batez ere, euskalduntze-alfabetatzegintzaren ikuspuntutik: lan-munduko erabilera-planak, egonaldiak familia euskaldunetan, irratsaio bereziak, jarraipen-programa… Horrezaz bat, bere eginkizunen artean dago Euskal Herritik kanpora euskararen ikaskuntza sustatzea eta koordinatzea.

Helduak euskalduntzeko eta alfabetatzeko ikus-entzunezko langaiak sortu, zabaldu eta irakasleak beroien erabileran trebatzen dihardu.

Euskaltegien administrazio-jarduera koordinatu eta hizkuntza-gaietan espezializatutako Erakundearen liburutegi publikoa kudeatzeaz gain, Erakundeko beste zerbitzu eta atalei laguntzea du eginkizun, HABEren egitekoak zuzen bete ditzaten, legearen, ekonomiaren eta, oro har, prozedura- edota administrazio-arloetan egoki den guztian.
Eginkizun horiek ondorengo atalen bitartez betetzen ditu:

Euskaltegien administrazio-jarduera koordinatu eta gainbegiratzeaz arduratzen da, euskaltegiek bete beharreko baldintzak bete ditzaten eta dirulaguntzak emandako helburuetarako erabiltzen dituztela zainduz. Horrezaz gain, Herri Administrazioetako langileak euskalduntzeko helburuarekin izenpetzen diren hitzarmen eta akordioei dagozkien izapideak betetzeaz arduratzen da.

HABEko beste atalek zein euskaltegi guztiek behar duten laguntza eskaintzen du, behar diren datu-bankuak sortu eta egunean izateko, euskaltegien datuak aztertzeko eta arlo akademikoan zein administraziokoan sortzen diren beharrei erantzuna errazteko.

HABEren ekonomi eta administrazio-kudeaketaz arduratzen da, aurrekontuen jarraipena, kudeaketa eta kontrola eginez, eta kontratazio-espedienteak bideratuz.

Lege-aholkularitza, HABEk hartzen dituen xedapen eta burutzen dituen egintza administratiboei buruz iritzia emanez eta euskaltegien Erregistroa kudeatuz. Bestalde, langileen lansariak eta beste administrazio-alderdiak ere kudeatzen ditu.

Atal honi dagozkio jendeari zuzeneko atentzioa ematea eta HABEren Erregistroa eramatea.

Honen eginkizunak dira HABEren liburutegia kudeatzea, materiala liburutan edo beste edozein euskarritan biltzea, liburuen katalogazioa egitea eta dokumentu-baseak sortzea, ondare bibliografikoaren zabalkundea koordinatzeko, maileguak kudeatzeko eta HABEko beste atalei nahiz kanpoko jendeari informazioa emateko.